Фудбалската Федерација на Македонија денеска во хотел „Континентал" го одржа годишниот семинар за кандидати за делегати на натпреварите од Прва и Втора МФЛ за сезона 2016/17.

На собирот на делегати, претседателот на натпреварувачката комисија Васко Дојчиновски детално ги презентираше новитетите во пропозициите за новата натпреварувачка сезона и ги објасни правилниците за натпреварите од двете конкуренции. Претседателот на судискиот одбор, Емил Божиновски детално ги објасни пропозициите и правилата во сферата на судењето на средбите од првата и втората конкуренција.Укажувањето на измените за новата сезона, Фудбалската федерација на Македонија го реализира со цел делегатите да се запознаат со пропишаните измени, да го сфатат значењето на промените и да бидат единствено насочени кон квалитетна организација на натпреварите. 

Во денешната програма на состанокот беше вклучено и стандардното тестирање на делегатите за потврдување и обновување на нивното знаење.