Фудбалската федерација на Македонија им донираше опрема (спортска опрема и фудбалски топки од германскиот производител - ЈАКО) на екипите од Првата женска лига, а во соработка со ФИФА обезбеди донација за новоформираните младински екипи во повеќе категории во женскиот фудбал (дресови, шорцеви, чорапи, копачки, фудбалски топки - АДИДАС).

Во просториите на „Куќата на фудбалот“ донација примија претставници на десет екипи во 20-ет категории кои започнуваат да се натпреваруваат во системот на Фудбалската федерација на Македонија.

-Ќе се обидеме и во иднина да им ја дадеме целосната поддршка и помош на клубовите кои имаат намера да придонесуваат за развој на женскиот фудбал во Македонија. Наша заложба е да ги поддржуваме тие кои придонесуваат за развојот на фудбалот од најмалите категории, се до почетокот на професионалнта кариера. За сите тимови е значајно кога има некој што може да им помогне. Голема благодарност и до ФИФА за поддршката која тие ја дадоа - истакна генаралниот секретар на ФФМ, Филип Поповски.