Друловиќ повика четворица од младата репрезентација

Објавено на 06 Септември, 2015 во Вести

Барди, Николов, Зајков и Радески веќе се на собирот на А репрезентацијата и се во комбинација за настап на утрешниот натпревар со Шпанија.

Селекторот на А репрезентацијата на Македонија Љубинко Друловиќ пред квалификацискиот натпревар со Шпанија реши да повика дополнителни четворица фудбалери од младата репрезентација. Енис Барди, Бобан Николов, Ѓоко Зајков и Марјан Радески денеска го напуштија штабот на репрезентацијата до 21 година и се префрлија кај ‘возрасните’ под водство на Љубинко Друловиќ. Младата репрезентација во саботата оствари важна победа од 1:0 над Украина  во квалификациите за ЕП во Полска, а гореспоменатите играчи беа меѓу најдобрите. Во меѓувреме во А репрезентацијата се отвори место за нови играчи, откако стана извесно дека Бесарт Абдурахими и Стефан Ристовски отпаднаа за мечот со Шпанија поради жолти картони. Поради повреда нема да игра Аријан Адеми, а од исти причини неизвесен е Даниел Мојсов. Токму затоа Друловиќ се реши за нови играчи  и Барди, Николов, Зајков и Радески веќе се дел од А репрезентацијата и се во комбинација за настап на утрешниот натпревар со Шпанија во 20:45 часот на Националната Арена ‘Филип Втори во Скопје, дел од квалификациите за пласман на Европското Првенство што идната година ќе се одржи во Франција. 



   
   
Актуелности

08.04.2024    Вести

Македонија до 14 години: Второ реми без голови против Турција

Неџат Шабани: Бевме подобар противник и заслуживме барам победа на еден од двата натпревари....

06.04.2024    Вести

Женската репрезентација до 19 години запиша нова победа

Селекцијата на Астрид Мерко славеше со 2:0 против Литванија....

Календар
А репрезентација