На самиот почеток на семинарот претседателот на Фудбалската Федерација на Македонија, Илчо Ѓорѓиоски свечено ги врачи ФИФА знаците на македонските судии, асистенти судии и футсал судии.

Во рамки на семинарот за судии беше претставена и новата судиска опрема АДИДАС која ФФМ ја набави на почетокот на натпреварувачката 2014/15 сезона. ФФМ исто така набави и 2 комуникациски системи за шест судии која се користи на еден натпревар од секое коло од Првата Македонска Фудбалска Лига заедно со спрејот кој исчезнува.