Во пресрет на овој квалификациски дуел, селекторот на нашата млада селекција верува во квалитетот на овие играчи и очекува тоа да го покажат на дуелот со Украина.

„ Украина е репрезентација која поседува одличен квалитет и квалификациите ги започнува токму со дуелот против нас. Очекувам од играчите да го покажат вистинското лице на овој важен квалификациски натпревар и да го дадат максимумот. Верувам во оваа генерација за која сметам дека поседува огромен потенцијал. Дополнителен мотив претставува и фактот што ова за нас ќе биде прв натпревар на стадионот во центарот „Петар Милошевски".

Селекцијата на Македонија до 21 година првиот собир пред почетокот на квалификациите ќе го има во хотелот „Александар Палас" на 31 август во 10.30 часот. Репрезентацијата предводена од Благоја Милевски тренинзите ќе ги одржи на на тренинг центарот „Петар Милошевски" од 31 август до 4 септември.