Благоја Милевски: Натпреварот против Црна Гора е важен пред се од психолошки аспект

Објавено на 23 Март, 2017 во Вести, До 21 год

Македонија - Црна Гора

Контролен натпревар

24. март 2017., 14:00

Тренинг центар „Петар Милошевски“, Скопје.

Благоја Милевски селекторот на репрезентацијата на Македонија до 21 година во пресрет на утрешниот контролен натпревар против Црна Гора истакнува дека пресметката е важна од аспект на способноста на фудбалерите на се соочат со притисокот кој го носи еден ваков натпревар против подобро рангирана селекција од нашата.

-Натпреварот со Црна Гора пред се ќе биде показател за психолошката подготвеност на фудбалерите да покажат дека можат да се носат со притисокот кој го носи еден ваков натпревар со противник кој е подобро рангиран од нашата селекција. Верувам дека фудбалерите ќе го покажат својот квалитет и односот кон репрезентацијата ќе им биде на највиското ниво.

Нашиот селектор повторно потенцира дека пресметката против Црна Гора е последниот филтер во селектирањето на фудбалерите кои ќе ги започнат квалификациите за ЕП 2019 во Италија.

-Поголемиот дел од играчите во составот во своите нозе веќе имаат натпревари од Европските квалификации и затоа во моментов се во предност пред останатите. Но, секој што ќе добие шанса мора да го потврди квалитетот на теренот, на нив самите е дали ќе го задржат местото во репрезентацијата. Финалното селектирање за фудбалерите кои ќе ги започнат квалификациите за ЕП во Италија претставува натпреварот со Црна Гора, вели Милевски.