Ељиф Елмас (Работнички), Давор Здравковски (Македонија Ѓ.П.), Тихомир Костадинов (Злате Моравце, Словачка), Јован Попзлатанов (Пелистер), Петар Петковски (Вардар), Филип Илиќ (Гандзасар, Ерменија) и Алекса Амановиќ (Јавор, Србија) се фудбалерите кои влегуваат на списокот на Благоја Милевски за Европското првенство во Полска. На сигурните 17 фудбалери кои веќе беа на првиот список, селекторот Благоја Милевски ги додаде и седуммната од генерацијата 1996/97.

-Поголемиот дел од фудбалерите веќе беа со нас и апсолутно го заслужија повикот за ЕП во Полска. Давор Здравковски е профил на играч кој ни е потребен иако заедно со Елмас се најмладите, изјави Благоја Милевски. 

Првиот и историски натпревар на Европското првенство го играме на 17. јуни со Шпанија.