Аријан Адеми поради повреда веројатно нема да настапи против Грузија. Селекторот Ангеловски го повика Енур Тотре

Објавено на 10 Ноември, 2020 во Вести, Вести


Македонскиот репрезентативец Аријан Адеми поради повреда многу веројатно ќе го пропушти натпреварот против Грузија на 12. ноември во Тбилиси за пласман на Европското првенство. 

Аријан Адеми заработи повреди во неделата на загревањето пред првенствениот меч на својот Динамо Загреб против Истра. Медицинските прегледи кој му беа направени од нашиот лекарски тим во Скопје потврдија дека Адеми има парцијална руптура на предната ложа. Шансите да се опорави и да биде во конкуренција за настап за натпреварот во Грузија се минимални.

Селекторот на македонската репрезентација, Игор Ангеловски го повика Енур Тотре, а фудбалерот од средниот ред на тетовска Шкендија веќе е приклучен на репрезентативниот тим за ноемвриските натпревари кои следуваат.

Нашата најдобра репрезентација денеска ќе тренира на тренинг центарот „Петар Милошевски“, а утре со чартер лет патува за Тбилиси. Натпреварот за пласман на ЕУРО 2020 се игра в четврток во 18:00 часот. 




   
   
Актуелности
Календар

07 Окт

16:00 Фарски Острови - Македонија
    У21 квалификации за Европско

08 Окт

20:45 Лихтенштајн - Македонија
    А репрезентација квалификации за Светско

11 Окт

20:45 Македонија - Германија
    А репрезентација квалификации за Светско
А репрезентација