Ангеловски и Пандев: Против Грузија одиме на победа

Објавено на 13 Октомври, 2020 во Вести, Вести, УЕФА Лига на Нации


Македонската репрезентација утре го игра четвртиот натпревар од Лига на Нации кога во Скопје играме со Грузија, а денеска селекторот Игор Ангеловски и капитенот Горан Пандев одржаа прес-конференција. 

„Без разлика што не го остваривме планираното во Естонија, но не да заборавиме дека нашата главна цел ја стигнавме, Македонија е на чекор на ЕП. Утре имаме натпревар со противник со кој ќе се сретнеме во финалето, без разлика на сите отсуства, сите кои ќе истрчаат на теренот, должни се да го дадат максимумот. Прв пат играме во седум дена три натпревари, првиот натпревар беше многу важен од секако аспект. Ако селекции од Италија, Шпанија ротираат, што останува за селекции како што сме ние. Селекторот на Грузија исто има проблеми со повреди и отсуства, но на нас селекторите е да го искористиме тоа што го имаме. Не верувам дека и тие не сакаат да бидат на првото место во групата. Не очекувам противникот да калкулира со составот“, изјави селекторот Игор Ангеловски.

“Сигурно дека тие што сме тука ќе го дадеме максимумот. Ова е трет натпревар за нас знаеме Косово колку не истроши и психички и физички. Сепак спремни сме утре да излеземе и да го добиеме натпреварот. Ние што сме тука сите конкурираме за првите 11. Ова е еден пеколен ритам и не може секогаш да се победи, таков е фудбалот. Наша цел е утре да победиме и да дојдеме на чекор од таа прва позиција“, изјави капитенот Горан Пандев.

Натпреварот меѓу Македонија и Грузија ќе се игра утре на националната арена „Тодор Проески“ во Скопје со почеток во 20:45 часот.



   
   
Актуелности
Календар

07 Окт

16:00 Фарски Острови - Македонија
    У21 квалификации за Европско

08 Окт

20:45 Лихтенштајн - Македонија
    А репрезентација квалификации за Светско

11 Окт

20:45 Македонија - Германија
    А репрезентација квалификации за Светско
А репрезентација