Квалификации за ЕУРО 2020, Група Г

7. јуни 2019. година, 20:45

Национална арена „Тодор Проески“

Билети по цена од 150 денари: https://mktickets.mk/event/makedonija-polska/

Македонската репрезентација на 7. и 10. јуни го продолжува квалификацискиот циклус за пласман на ЕУРО 2020. Фаворитите во нашата група, Полска и Австрија гостуваат на Националната арена „Филип Втори“ во Скопје.

Нашата најдобра репрезентација првиот дел од подготовките ги започна без капитенот Горан Пандев, клупски обврски сеуште имаат голманите Илиев и Шишковски, додека Адеми, Николов, Алиоски и Трајковски утре ќе бидат во стројот на селекторот Игор Ангеловски. Мала повреда на задната ложа има Дарко Велковски, но дефанзивецот на хрватска Ријека е во тренажен процес. 

Македонската репрезентација утре има тренинг во 10:30 часот на тренинг центарот „Петар Милошевски“, на 30. (четврток)  и 31. мај (петок), тренинзите се закажани во 11:00 часот.