Најдобрата македонска репрезентација ќе одигра пријателски натпревар против Азербејџан на 29. мај во Австрија.

Натпреварот против репрезентацијата која ја предводи хрватскиот тренер Роберт Просинечки ќе биде шеста меѓусебна.

На првиот натпревар во 2000. година победивме со 2:1, во квалификациите за СП 2002 година на домашен терен славевме со 3:0 со головите на Ѓорги Христов и Арѓент Беќири, а одигравме 1:1 на гостински терен. Во 2010 година победивме со 3:1, а на последниот контролен дуел во Баку пред пет години година славевме со 1:0 со голот на Горан Пандев.

Македонската репрезентација за натпреварите со Азербејџан и Иран на 2. јуни ќе се подготвува во Восендорф во близина на Виена.