Даниел Аврамовски вели дека првиот тренинг на репрезентацијата поминал во одлична атмосфера и се надева дека ќе ја забележат втората победа во овој квалификациски циклус на 13 октомври.

„

Денес го одработивме првиот тренинг. Максимално сме сконцентрирани на квалификацискиот натпревар кој го играме против Северна Ирска. Дуел во кој треба да одиграме многу квалитетно и сконцентрирано во сите 90 минути. Имаме одличен тим, располагаме со многу квалитетни играчи и победа против Северна Ирска е императив. Самодовербата е на едно високо ниво, особено по победата над репрезентацијата на Украина. Атмосферата во националниот тим е позитивна, работиме одлично, имаме одлична комуникација со стручниот штаб и се надевам дека сите заедно ќе се радуваме на  победа на 13 октомври", вели Даниел Аврамовски.

Селекторот на нашите млади надежи смета дека ова е најтешкиот натпревар кој го ќе го игра репрезентацијата и ги повикува своите играчи на максимална ангажираност.

„Радува фактот што дуелот против Северна Ирска го дочекуваме во комплетен состав. Ова за нас претставува најтежок натпревар. Северна Ирска е многу сериозна селекција, од натпреварите кои ги анализиравме заклучокот е дека се многу агресивни, дисциплинирани и исклучително желни за успех.Барам од играчите голема ангажираност и посветеност, на дуелот со Северна Ирска треба да бидеме сконцентрирани и мотивирани  во текот на сите 90 минути доколку сакаме да се радуваме на победа. Односот кон играта треба да биде ист како оној кој го имавме на натпреварот со Украина, само така можеме да се надеваме на успех, во спротивно не можеме да се надеваме на нешто повеќе.