На финалните натпревари одиграни на Националната арена „Филип Втори“ во Скопје, нашиот претставник Вардар со 1:0 славеше во натпреварот за првото место против тимот на Војводина од Србија. Стрелец на голот беше репрезентативецот на Македонија до 19. години, Сабахудин Алаомеровиќ.

Партизан од Белград и хрватски Осјек го играа второто финале во генерацијата 1999. Партизан славеше со 4:0 и заслужено се радуваа на освоениот пехар. Од македонските претставници, Шкендија и Академија Пандев турнирот го завршија на четвртото место. Шкендија во натпреварот за трето место загуби од ЦСКА Софија со 2:0 во конкуренција на играчи родени до 1997. Нишкиот Реал во малото финале во генерацијата 1999. ја совлада Академија Пандев со 3:1.