Македонската репрезентација до 17 години одигра нерешено 1:1 против  соодветната селекција на Босна и Херцеговина на пријателскиот натпревар одигран во Скопје. На централниот терен во комплексот Кука на фудбалот нашата репрезентација одлично ја започна средбата и преку Ристовски Милан поведе со 1:0 , но до крајот на првиот дел селекцијата на Босна го изедначи резултат со голот на Мустеданагич Зинедин, тоа беше воедно и конечниот исход од оваа средба. Во второто полувреме видовме неколку добри прилики за гол пред двата шеснаесетника .

“Одигравме одличен натпревар против една навистина квалитетна репрезентација .Ова е добар резултат кој го остварија овие млади фудбалер. Одигра навистина квалитетно, пожртвувано и го дадоа максимумот на оваа средба” – истакна селекторот Стојковски.

 Македонската репрезентација играше во состав Јанков Ристе, Стојковски Виктор, Семафат Сефет, Садики Нехар (Петков Игор), Митрев Антонио, Карабаков Александар, Додев Дарко, Тошевски Милош, Ристовски Милан, Здравковски Давид (Агуши Риад), Маневски Михаил (Боневски Даниел).