Репрезентацијата на Македонија до 19 години со освоено второ место го заврши учеството во меѓународниот турнир “Куп на Федерации Летонија 2018“ каде освен нашата репрезентација учествуваа уште домашната селекција како и Украина и Фарските Острови.
Македонија У19 на денешниот натпревар оствари победа од 1:0 над Фарските Острови. Единствениот гол вреден победа го постигна Енсар Лума во 90-тата минута од натпреварот. Ова беше втора победа за оваа репрезентација на турнирот во Летонија, откако предходно славевме со 2:1 над домашната селекција (головите ги постигна Бојан Колевски). Единствениот пораз го претрпевме од Украина со резултат 2:0. Токму украинците го освоија турнирот со максимални 9 бода, а нашата репрезентација остана втора со 6 бода (две победи и еден пораз).