Младата репрезентација на Македонија до 21 година славеше победа со 2:1 против селекцијата на Молдавија во рамките на претпоследниот натпревар од квалификацискиот циклус за пласман на Европското првенство кое ќе се одржи во Словачка 2025 година.

Нашата селекција ја забележа четвртата победа во овие квалификации. На тренинг центарот „Петар Милошевски" во Скопје избраниците на селекторот Драги Канатларовски ја оправдаа фаворитската улога и сосема заслужено славеа триумф над селекцијата на Молдавија.

Првиот  погодок на денешниот дуел беше дело на Бехар Фета во 11. минута. Беким Камбери во 90. минута ја зголеми предноста на Македонија. Противникот во следниот напад успеа да постигне погодок за намалување на нашата предност

Во последното коло од квалификациите, нашата млада репрезентација ќе игра против Грузија, на гостински терен, на 15. октомври.

Репрезентации до 21 година;

Македонија - Молдавија   2:1 (1:0)

Македонија: Алчевски, Фета, Џеков, Деспотовски, Фетаи, Рамадани, Рамани, Тодоровски, Крстевски, Трпчевски, Адеми;

Селектор: Драги Канатларовски;