Комисијата за лиценцирање на ФФМ го разгледа барањето доставено од Комисија за натпревари на ФФМ во врска со разгледување на доставената документација на клубовите кои беа поразени во бараж натпреварите за пополнување на Втора МФЛ.

По разгледување на доставената докуметација од трите клуба: ФК Вардар - с.Форино, ФК Гоблен Јуниор - Куманово и ЗФК Новаци - Новаци, Комисијата за лиценцирање утврди дека ЗФК Новаци - Новаци доставил документација по сите пет критериуми, додека ФК Гоблен Јуниор - Куманово и ФК Вардар - с.Форино не доставиле целосна документација по сите пет критериуми. Комисијата констатира дека ЗФК Новаци од Новаци ги исполнува потребните услови за учество во пополнување на Втора МФЛ.