Футсал А репрезентацијата на Македонија беше минимално поразено со 2:1 од селекцијата на Андора, на гостински терен во натпревар од последното коло од групата 7 во рамките на квалификациите за пласман на Е.П.

Андора преку Регало го отвори резултатот на денешната средба. Избраниците на селекторот Васко Скендеровски брзо се вратија во игра и минута подоцна преку Тодоровски успеаа да го израмнат резултатот.

Голот за победа на Андора го постигна Блат во 37. минута од средбата.

Во групата 7 од квалификациите, Португалија го освои убедливо првото место со 18 освоени бодови.

Македонија заврши на последното место во својата група само со еден освоен бод.