Репрезентативците на Македонија вечерва тренираа на стадионот Динамо Арена во Тбилиси каде утре од 18:00 часот по наше време се среќаваме со Грузија во вториот натпревар од групата Ц на Лига на Нации. Без Иван Тричковски и Кире Ристевски кои поради повреди воопшто не допатуваа за Тбилизи, селекторот Игор Ангеловски со стручниот штаб ги реализираа последните подготовки пред натпреварот со Грузија. Атмосферата меѓу играчите е одлична, а се посакува втора победа по ред во новото издание на Лига на Нации, откако на првиот натпревар во саботата во Скопје со 2:1 беше поразена Арменија.