Поддржувачите на македонскиот фудбал утре имаат можност да ги проследат натпреварите помеѓу селекцијата составена од домашни фудбалери и селекцијата на странци во 1МФЛ и играчите од селективниот камп на репрезентацијата до 21 година против екипата на Хоризонт Турново во живо преку официјалната платворма на Фудбалската федерација на Македонија, www.tv.ffm.mk.

Натпреварот помеѓу селекцијата на домашни играчи и странците кои играат во нашата Прва лига ќе се одигра на теренот во тренинг центарот „Петар Милошевски" со почеток од 13.00 часот. На градскиот стадион во Велес ќе биде одиграна средбата помеѓу играчите од селективниот камп на репрезентацијата до 21 година и екипата на Хоризонт Турново со почеток од 13.00 часот.