Во фудбалот не победуваат секогаш фаворитите

Објавено на 31 Август, 2015 во Квалификации ЕУРО 2016, Вести

По објавувањето на списокот на повикани фудбалери од А репрезентацијата, селекторот Друловиќ во врска со квалификациските натпревари против Луксембург и Шпанија изјави:

„Ова е мој втор собир во репрезентацијата и мислам дека доволно се познаваме. Убеден сум дека идеите што ги имаме, ќе успееме да ги реализираме на терен. Нашиот фокус е репрезентацијата на Луксембург по која подготвени ќе го дочекаме европскиот првак Шпанија." - изјави Друловиќ.

На прашањето каква е неговата тактика и каква стратегија подготвува, Друловиќ вели: "Овие пет дена до натпреварот се посветени на Луксембург.Ја анализираме противничката екипа и ги упатувам момците во она што ги очекува на тој меч. Треба да покажеме голем карактер, да бидеме сериозни, професионални и тактички дисциплинирани. Репрезентацијата на Луксембург напредуваше многу во последните години и во секој поглед ова ќе биде тежок натпревар."

За натпреварите со Луксембург и Шпанија повикани се 22 играчи со можност да се повикаат уште двајца. Еден од најголемите предизвици на репрезентацијата е фактот што некои од нашите репрезентативци не се во прв план во своите клубови, не играат доволно и не се носители, што претставува проблем и за селекциите на младите репрезентации.

„Сите мои играчи во моментов се здрави и во добра кондиција.Верувам дека ќе издвојуваме победа против Луксембург, а потоа ќе имаме два дена да се опоравиме и да дадеме максимум со репрезентацијата на Шпанија. Играме на домашен терен и убедени сме дека со подршка на публиката секој од играчите ќе може да дојде до израз. Се разбира дека Шпанија е голем фаворит, не само за нас, но во овој момент не смееме да го изгубиме фокусот. А во основа, во фудбалот не победуваат секогаш фаворитите." - заврши Друловиќ.

Поради дисторзија на рамото Јован Костовски нема да биде во можност да одговори на репрезентативните обврски на овие натпревари, па поради тоа на негово место е повикан Крсте Велковски кој настапува за ФК Сараево, а како трет голман повикан е Даниел Божиновски.



   
   
Актуелности

13.10.2018    Вести

Вечно ќе се памети првата победа на Македонија во Крањ против Словенија

На 13. октомври 1993 година во Крањ, започна историјата на нашата фудбалска репрезентација. Стартуваше со блескав триумф...

Календар

16 Окт

14:30 Македонија - Гибралтар
    У21 квалификации за Европско
18:00 Ерменија - Македонија
    УЕФА Лига на Нации

20 Окт

11:00 Фарски Острови - Израел
    У17 квалификации за Европско
14:30 Шпанија - Македонија
    У17 квалификации за Европско

23 Окт

11:00 Шпанија - Фарски Острови
    У17 квалификации за Европско
14:30 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации
20:45 Македонија - Гибралтар
    УЕФА Лига на Нации
А репрезентација