Семинарот ќе се одржи од 01. до 03. декември 2014. година во хотел „ТЦЦ Гранд Плаза“, каде со свои теоретски презентации ќе се појават: Џим Флитинг, Директор за фудбалски развој на Шкотска Асоцијација, Бошко Ѓуровски, Селектор на А репрезентацијата на Македонија, Небојша Марковски, Технички Директор ФФМ, Вујица Живковиќ и Ленче Алексовска Величковска, предавачи во Центарот за Едукација.

Практичниот дел од семинарот ќе се одржи на тренинг центарот на ФФМ - „Петар Милошевски“ и тоа: на 01.12. со почеток во 12.00 часот тренинг ќе одржи Џим Флитинг (Директор за фудбалски развој на Шкотска Асоцијација), додека на 02.12 со почеток во 11:30 часот, тренинг ќе одржи Селекторот на А репрезентација, Бошко Ѓуровски во соработка со Гордан Здравков и Добринко Илиевски, ФФМ инструктори.

Практичниот дел ќе биде реализиран со фудбалерите од ФФМ Академијата (втора и трета година)

Практичните сесии се од отворен карактер и може да присуствуваат и останати заинтересирани тренери.