Тоде Георгиевски – слава за сите времиња

Објавено на 13 Септември, 2015 во Фудбалски Асови, Вести


По кратко боледување, во Скопје, на 80-годишна возраст почина една од легендите на македонскиот фудбал, голманот на Вардар Тоде Георгиевски.

Георгиевски беше во тимот на Вардар кој го постигна најголемиот успех во својата историја во поранешна Југославија, освојувајќи го Купот 1961 година победувајќи го во финалето во Белград Вартекс од Вараждин со 2:1.

Во црвено-црниот дрес одигра 239 натпревари во периодот од 1950 до 1964 година кога во златната вардарова генерација тогаш играа: Т. Георгиевски, Анѓушев, Вучидолов, Трајчевски, Божиновски, Дацевски, Илиевски, Николовски, Велковски, Дончевски, Шулинчевски.

За Тоде Георгиевски е поврзан уште еден интересен податок - додека беше на отслужување на воениот рок во Љубљана, со специјална дозвола на тогашните воени власти бранеше за прволигашот Одред од Љубљана.

Тоде Георгиевски е добитник на наградата за животно дело „13 Ноември“ што го доделува Сојузот на спортови на град Скопје.





   
   
Актуелности

15.09.2017    Вести

Влог во развој на женскиот фудбал во Македонија

Фудбалската Федерација на Македонија вложува во развојот на фудбалот во сите сегменти и нивоа од играта, и во таа насока...

Календар

06 Окт

15:00 Македонија - Србија
    У21 квалификации за Европско
20:45 Италија - Македонија
    А репрезентација квалификации за Светско

09 Окт

20:45 Македонија - Лихтенштајн
    А репрезентација квалификации за Светско
А репрезентација