Раководството на ФФМ на состанок со клубовите од Прва МФЛ. Претставени понудите за продажба на ТВ правата од домашниот шампионат

Објавено на 01 Јули, 2019 во Вести


Во „Куќа на фудбалот“, раководството на Фудбалската федерација на Македонија одржа состанок со претставници на клубовите од Прва МФЛ, a тема на разговор беше отстапување и продажба на ТВ правата за Прва МФЛ за следните три натпреварувачки сезони, почнувајќи од сезоната 2019/2020.

Претседателот на ФФМ, Муамед Сејдини и генералниот секретар, Филип Поповски на претставниците на клубовите им ги презентираа понудите од две регионални телевизии за продажба на телевизиските права од Прва МФЛ и Националниот куп.

Првиот човек на македонскиот фудбал, Муамед Сејдини истакна дека сумата од евентуално прифатената понуда на една од двете регионални ТВ станици целосно ќе биде ставена во трошоците за сезоната на клубовите, односно, како што рече Сејдини, федерацијата нема да добие ниту евро од продажбата на ТВ правата.

-Македонскиот фудбал за да се развива и да оди напред важно е ФФМ и клубовите да најдат заеднички јазик по важни прашања, заедно да седнеме на маса и да разговараме. Сметаме дека ова е значајно прашање за кое ние како раководство посветивме големо внимание и се надевам дека заеднички ќе имаме корист. За нас користа од евентуалниот договор за ТВ правата е промоција на македонскиот фудбал, а сумата која би ја добиле целосно ќе ја поделат клубовите. Понудата која ја добивме од две регионални ТВ станици се однесува на два директни преноси по коло од нашата Прва фудубалска лига, истакна претседателот на ФФМ, Муамед Сејдини. 

До среда е рокот до кој клубовите треба да се произнесат по барањето за отстапување на ТВ правата. Клубовите се запознаени со условите и сумата која евентуално би ја добиеле доколку позитивно одговорат на барањето за продажба на ТВ правата а натпреварите од домашниот шампионат. 

Во изминатите речиси три децении никогаш не биле продадени ТВ права за натпреварите од домашниот шампионат. 



   
   
Актуелности

10.09.2019    Вести

Македонската репрезентација до 21 година со убедлива победа против Фарски Острови ги отвори квалификациите за ЕП 2021

Селекцијата на Благоја Милевски славеше со 7:1, хет - трик на Димитар Митровски....

Календар

01 Окт

11:00 Романија - Словачка
    Жени У19 квалификации за Европско
15:30 Франција - Македонија
    Жени У19 квалификации за Европско

02 Окт

15:00 Македонија - Казахстан
    Женска А репрезентација квалификации за Европско

04 Окт

11:00 Франција - Романија
    Жени У19 квалификации за Европско
15:30 Словачка - Македонија
    Жени У19 квалификации за Европско

05 Окт

15:00 Македонија - Србија
    Женска А репрезентација квалификации за Европско

07 Окт

11:00 Словачка - Франција
    Жени У19 квалификации за Европско
15:00 Македонија - Романија
    Жени У19 квалификации за Европско
17:00 Црна Гора - Македонија
    У21 квалификации за Европско
20:45 Македонија - Словенија
    А репрезентација квалификации за Европско
А репрезентација