Младинките за едно полувреме ја матираа Албанија

Објавено на 04 Април, 2016 во До 19 год жени

Женската репрезентација на Македонија до 19 години со 3-1 победи против Албанија на првиот од двата пријателски натпревари.

Иако гостинките го отворија резултатот со голот на Иларја уште во 3та минута, не стигнаа долго да се радуваат на водството. Во 6та минута Теодора Димоска го постигна израмнувачкиот погодок, а две минути подоцна Моника Котева биеше за водство од 2-1. Конечните 3-1 ги постави повторно Димоска со гол во 14та минута.

Во 37та минута од натпреварот беше досуден пенал за гостинките, за старт врз Уенди, но Панчурова со својата одбрана не дозволи резултатско приближување.

„Одлично прво полувреме. Голот го примивме по грешка на нашата одбрана, но многу брзо успеавме да се вратиме, па и да стигнеме до водство. Многу сум задоволен од изданието на нашите фудбалерки и се надевам дека ваквата одлична игра ќе се повтори и на вториот натпревар задутре, кога шанса ќе добијата фудбалерките кои денес имаа помала минутажа“ -изјави селекторот Астрит Мерко.

За репрезентацијата на Македонија до 19 години настапија следните играчи: Панчурова (Лекоска), Јанкуловска (Стефановска), Николовска, Хусеин, Гоцевска (Китанова), Максути (Танеска), Котева (Јанкоска), Димоска, Чубриновска (Игнатовска), Шемшовиќ, Стојчевска (Симоноска).



   
   
А репрезентација