Македонската А репрезентација одигра 1:1 против Израел во Беер Шева

Објавено на 05 Септември, 2019 во Вести, Вести


Одлична игра на Македонија, одигравме 1:1, освоивме голем бод, но можеме да жалиме по трите. Нашата репрезентација создаде многу шанси, но реализиравме една. Израел со голот на Захави поведе во 55. минута, но Адеми израмни во 64. минута. Елиф Елмас имаше прекрасна шанса за победа во судиското продолжение, но не погодивме. 

Одигравме одлично прво полувреме во кое се редеа нашите шанси, но како да беше маѓепсан голот на Израел. Бомба на Барди, контра на Алиоски и одлична гол шанса за Елмас. Македонија везеше на теренот, иако играше без капитенот. Израел и Херцог немаа решение за нашата игра во првите 45 минути. Израел во првиот дел постигна гол преку Дабур, но беше поништен поради игра со рака. 

Во второто полувреме, Израел нападна по крилните позиции и по само десетина минути игра Захави погоди за водство. И кога селекторот Ангеловски се одлучи на се или ништо, кога Пандев и Трајковски беа крај аут линијата да влезат во игра ја видовме таа грамада од човек и фудбалер – Аријан Адеми. Центрира Алиоски, скока Адеми и молк на „Тарнер“ стадионот. Македонија се враќа во игра за победа но сега со Пандев во тимот. Но Израел нападна со сите сили, имаа закани, се редеа ударите по голот на Димитриевски. Нашата лева страна комплетно беше разбиена. За среќа тоа не им донесе ефект на домаќините. Во таквата бркотница се создадоа и нашите шанси за контри и полуконтри. Пандев имаше одлична прилика, па Трајковски… Малку, малку недостигаше за нов наш гол, пресврт и три бода. Иако врвот е далеку и таму е Полска ние се враќаме во игра за добар пласман во ови квалификации. Ова што го игравме денеска треба само да се повтори во Рига во понеделник.






   
   
Актуелности

10.09.2019    Вести

Македонската репрезентација до 21 година со убедлива победа против Фарски Острови ги отвори квалификациите за ЕП 2021

Селекцијата на Благоја Милевски славеше со 7:1, хет - трик на Димитар Митровски....

Календар

01 Окт

11:00 Романија - Словачка
    Жени У19 квалификации за Европско
15:30 Франција - Македонија
    Жени У19 квалификации за Европско

02 Окт

15:00 Македонија - Казахстан
    Женска А репрезентација квалификации за Европско

04 Окт

11:00 Франција - Романија
    Жени У19 квалификации за Европско
15:30 Словачка - Македонија
    Жени У19 квалификации за Европско

05 Окт

15:00 Македонија - Србија
    Женска А репрезентација квалификации за Европско

07 Окт

11:00 Словачка - Франција
    Жени У19 квалификации за Европско
15:00 Македонија - Романија
    Жени У19 квалификации за Европско
17:00 Црна Гора - Македонија
    У21 квалификации за Европско
20:45 Македонија - Словенија
    А репрезентација квалификации за Европско
А репрезентација