Македонија со убедлив триумф против Лихтенштајн ги затвори квалификациите за СП 2018

Објавено на 09 Октомври, 2017 во Вести, Вести


Македонската фудбалска репрезентација со убедлив триумф (4-0) над Лихтенштајн ги заокружи квалификациите за Светското првенство во Русија. На крајот завршуваме на петтото место, со 11 бода, но само поради слабиот старт на циклусот и ’малерите’ кои не следеа во последните минути од некои мечеви кога ги губевме бодовите.

Висар Муслиу го постигна првенецот во 36.минута, две минути подоцна својата серија голови ја продолжи Александар Трајковски. Во второто полувреме, стрелаа и Енис Барди и Аријан Адеми на овој меч.

Македонија тргна офанзивно од почетокот, прв се закани Пандев уште во втората минута, но неговиот шут успеа да го одбрани противничкиот голман Јеле. Потоа следеа два обиди на Барди, вториот од слободен удар, кој заврши во живиот ѕид.

Долго се плетеше мрежата пред голот на Лихтенштајн, и конечно бункерот беше разбиен во 36.минута. Алиоски изведе корнер од левата страна, Висар Муслиу скокна највисоко во шеснаесетникот и со удар со глава ја испрати топката во мрежата.

Само две минути подоцна, одлична акција на нашата навална линија, истата врска од Торино, Пандев го проигра Александар Трајковски, а тој и на овој меч се запиша во листата на стрелците.

Во вториот дел, Несторовски се закани во 62.минута по проигрувањето од Пандев, но шутираше директно во голманот Јеле.

Тоа беше најава за третиот гол на Македонија, кој дојде четири минути подоцна. Трајковски одлично продре по десната страна, нафрли на вториот дирек, а Енис Барди со волеј-удар ја затресе мрежата на Лихтенштајн.

Аријан Адеми по двегодишна пауза за врати на теренот и по само шест минути во игра изведе фантастично шоу, сам ги ’измеша’ противничките фудбалери и погоди на вистинското место. Специјален, многу емотивен момент и за него, и за македонската фудбалска репрезентација. Во 68.минута, Македонија веќе имаше водство од 4-0. До крајот имавме уште неколку шанси, но и четири гола беа доволни за радост и убедлив триумф на крајот од квалификациите.

МАКЕДОНИЈА – ЛИХТЕНШТАЈН 4-0 (2-0)

Стадион „Младост“ во Струмица. Судија: Лорент Коприва (Луксембург). Стрелци: Муслиу 36’, Трајковски 38’, Барди 66’, Адеми 68’ (Македонија). Ж. Картони: Зајков (Македонија), Кауфман, Селе, Висер (Луксембург).

МАКЕДОНИЈА: Димитриевски, Ристовски, Муслиу, Зајков, Ристевски, Барди (76’ Дориев), Хасани (46’ Елмас), Алиоски, Трајковски, Несторовски, Пандев (64’ Адеми).

ЛИХТЕНШТАЈН: Јеле, Квинтанс, Малин, Кауфман, Гопел, Полверино, Бухел, Висер, Волфингер  (65’ Јилдиз), Брандл (72’ Ерне), Селе.





   
   
Актуелности

13.10.2018    Вести

Вечно ќе се памети првата победа на Македонија во Крањ против Словенија

На 13. октомври 1993 година во Крањ, започна историјата на нашата фудбалска репрезентација. Стартуваше со блескав триумф...

Календар

16 Окт

14:30 Македонија - Гибралтар
    У21 квалификации за Европско
18:00 Ерменија - Македонија
    УЕФА Лига на Нации

20 Окт

11:00 Фарски Острови - Израел
    У17 квалификации за Европско
14:30 Шпанија - Македонија
    У17 квалификации за Европско

23 Окт

11:00 Шпанија - Фарски Острови
    У17 квалификации за Европско
14:30 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации
20:45 Македонија - Гибралтар
    УЕФА Лига на Нации
А репрезентација