Македонија до 18 години убедлива против Бугарија, 3:0

Објавено на 15 Мај, 2018 во Вести, До 19 год


Македонската репрезентација до 18 години убедливо, со 3:0 славеше против врсниците од Бугарија на првиот од двата контролни натпревари кои ги играме во Скопје. Нашиот национален тим до 18 години целосно доминираше во мечот, а стрелци на головите беа Бојан Колевски, Дарко Чурлинов и Марко Ѓорѓиевски.

Колевски го даде првиот гол, а вториот беше ремек дело на Чурлинов откако нанижа 3-4 играчи и пласираше во долниот агол. Третиот гол беше како од бајките. На 40-на метри Ѓорѓиевски ја зема топката, мина 5-6 играчи и отиде во мртов агол, но и таму мина двајца, и од мртов агол ја погоди мрежата на противникот за убедливо водство. 

Бугарите имаа само една прилика преку Груев кој ја погоди пречката во првиот дел. 

МАКЕДОНИЈА: Денковски, Алексовски, Антовски, Наумчевски, Рамадани, Гроздановски, Бериша, Чурлинов, Колевски, Ѓорѓиевски, Наумоски.
Уште играа: Стојаноски, Ферати, Манев, Трпчевски, Тошевски.
БУГАРИЈА: Иванов, Димитров, Т. Димитров, Дичев, Борисов, Личев, Станчев, Груев, Митков, Јорданов, Добрев.

Во четврток со почеток во 11:00 часот двете селекции ќе го одиграат вториот натпревар на тренинг центарот „Петар Милошевски“. 




   
   
Актуелности

26.02.2020    Вести

ФФМ го одржа годишниот форум на тренери

На форумот во Скопје, повеќе од 400 домашни тренери, носители на УЕФА диплома ги слушнаа предавањата за трендовите во мо...

Календар
А репрезентација