Игор Ангеловски: Да станеме сите и да победиме за Пандев

Објавено на 13 Март, 2019 во Вести, Вести


Селекторот на А репрезентцијата Игор Ангеловски го објави списокот за воведните два натпревари од квалификациите за ЕУРО 2020 против Летонија (21. март, Национална арена „Филип Втори“) и Словенија на гостински терен (24. март, „Стожице“).

На прес-конференцијата пред натпреварите, предводникот на А-тимот истакна дека ја познава Летонија и дека посакува триумф.

- Јас и претходно кажав дека нема да има драстични промени. Мислам дека сме добро воиграна репрезентација и дека сме тим кој знае сега што сака на теренот. Фокусот ни е на првиот натпревар против Летонија. Од оваа гледна точка, не можам во детали да говорам за противникот, затоа што Летонија има нов селектор. Но, секако дека имаме доволно време да ги анализираме нивните претходни натпревари, како и стилот на новиот селектор Стојановиќ, изјави Ангеловски.

Спировски и Тричковски се под знак прашалник и во зависност на нивната здравствена состојба ќе зависи дали ќе играат. Аријан Адеми од Динамо Загреб поради операција на стомачниот ѕид не е во комбинација за настап. На мечот со Летонија, јубилеј ќе слави најдобриот македонски фудбалер Горан Пандев, кој ќе го игра 100. натпревар.

-Кога ќе се спомене името на Горан Пандев, кај мене се будат посебни емоции. Станува збор за најголемиот фудбалер од Македонија на сите времиња. Сигурно дека ние ќе го поздравиме, и очекувам и македонската публика да го поздрави овој јубилеј на Пандев. Сакаме да го зачиниме јубилејот со победа. Кога може 80.000 луѓе на нозе да го поздрават во Италија, мислам дека истото може да се направи и во нашата земја, заврши селекторот.

Собирот е на 18 март (понеделник) од 12:00 часот во ТЦЦ „Гранд Плаза“ во Скопје. Првиот тренинг, пак, е исто така на 18 март, од 18:45 часот, на тренинг-центарот „Петар Милошевски“. 




   
   
Актуелности

08.07.2019    Вести

Започна изградбата на новата трибина на стадионот во Чаир

Муамед Сејдини, претседател на ФФМ: Заеднички, спортски и братски да изградиме европски стадион...

Календар

03 Сеп

00:00 Австрија - Македонија
    Женска А репрезентација квалификации за Европско

05 Сеп

20:45 Израел - Македонија
    А репрезентација квалификации за Европско

09 Сеп

20:45 Летонија - Македонија
    А репрезентација квалификации за Европско

10 Сеп

16:00 Македонија - Фарски Острови
    У21 квалификации за Европско
А репрезентација