Футсал: Македонија убедливо го совлада Сан Марино за втора победа во групата

Објавено на 01 Февруари, 2019 во Вести, Футсал


Македонската футсал репрезентација ја оствари втората победа на претквалификацискиот турнир за пласман во следниот круг квалификации за Светското првенство. 

Во спортскиот центар „Јане Сандански“, Македонија убедливо со 7:0 го совлада репрезентативниот футсал тим на Сан Марино. Нашата селекција целосно ја оправда улогата на фаворит и в недела против Албанија ќе решава за првото место во групата. 

На вечерашниот дуел против Сан Марино се беше јасно веќе по првите 180 секунди кога обезбедивме два гола предност, откако мрежата на противникот ја погодија Седат Зибери и Иван Крстевски. Александар Глигоров по пет минути игра зголеми на 3:0, а четвртиот гол го постигна Еркан Сефери. Најзаслужен за новиот, петти погодок во мрежата на Сан Марино во првото полувреме беше Зибери, откако прекрасно асистираше до стрелецот за 5:0, Димче Андов. 

Во второто полувреме, Македонија го задржа ритамот, создаваше шанси и постигна нови два гола. На 6:0 зголеми Леовски, а капитенот Левески зголеми на конечни 7:0. 

На првиот денешен натпревар од групата, Албанија ја совлада Грција со 5:3. В недела од 20:00 часот, Македонија и Албанија во меѓусебен дуел ќе решаваат за првото место во нашата група. 



   
   
Актуелности

15.04.2019    Вести

Муамед Сејдини на официјален состанок со претседателот на УЕФА, Александар Чеферин

Александар Чеферин: УЕФА со сигурност ќе остане цврст партнер на Фудбалската федерација на Македонија....

Календар

07 Јун

20:45 Македонија - Полска
    А репрезентација квалификации за Европско

10 Јун

20:45 Македонија - Австрија
    А репрезентација квалификации за Европско
А репрезентација