ФФМ Форум на тренери

Објавено на 02 Февруари, 2018 во Вести, Семинари


Центарот за едукација на тренери и Тренерската организација при ФФМ го организираат годишниот Форум на тренери со еднодневна програма на презентации од интернационални и домашни стручни лица. Форумот ќе се одржи на 20  февруари, 2018 г. во Хотел Александар Палас – Скопје, со почеток во 11.30 часот.

Центарот за едукација на тренери и Тренерската организација при ФФМ ги покануваат сите тренери во Македонија за присуство а воедно и ги информира дека нивното присуството на овој Форум, согласно УЕФА Тренерската Конвенција, е задложително за сите носители на УЕФА диплома на било кое од трите нивоа (Б, А и Про), а како обврска која тренерите мора да ја завршат за да можат да остварат продолжување на своите УЕФА лиценци.

На овој Форум поканети се и сите тренери носители на Национална Ц лиценца кои работат во детските лиги, тренерите кои работат во женските лиги на ФФМ како и тренерите кои работат во Футсал.

На овој Форум свои презентации ќе имаат:

Небојша Марковски – Директор на Центар за Едукација на ФФМ

Игор Ангеловски – Селектор на македонска А Репрезентација

Боби Милевски – Селектор на Македонска У21 репрезентација

Зоран Стратев – Технички Директор на ФФМ

Ватрослав Михачич –УЕФА инструктор за примена тренери на голмани и Директор на Академијата за едукација на тренери на ХНС

Тренерите треба да бидат во Хотел Александар Палас најдоцна во 11.00 часот на 20.02.2018 г. за да го регистрираат своето присуство и подигнат акредитација, додека претходно своето присуство треба да го најават на следниот мејл: mario.gjurcinovski@ffm.com.mk. 

Форумот ќе заврши во 19:00 часот со заеднички коктел.

Ги замолуваме сите тренери да ги адаптираат своите обврски како би можеле непречено да присуствуваат на овој настан.




   
   
Актуелности

14.10.2019    Вести

Македонската репрезентација до 21 година го одржа последниот тренинг во пресрет на дуелот со Казахстан

Ристовски и Руфати: Не се сомневаме дека тимот повторно ќе го даде најдоброто од себе за нова победа во квалификациите....

Календар

15 Окт

14:30 Македонија - Казахстан
    У21 квалификации за Европско
А репрезентација