Енис Барди: Дисциплинирано, одговорно, одлучно по победа

Објавено на 14 Ноември, 2018 во Вести, Вести


Со доаѓањето на капитенот Горан Пандев, македонската репрезентација во комплетен состав денеска ќе тренира во малото швајцарско место Фусисберг пред заминувањето во Вадуц в четврток за натпреварот против Лихтенштајн во рамки на Лигата на нациите, претпоследен во групната фаза.

Нашиот репрезентативец, Енис Барди смета дека Македонија на дуелот со Лихтенштајн мора да одигра внимателно и дисциплинирано, вели дека резултатот од Скопје не смее да не залажува бидејќи домаќинот сигурно ќе сака да го поправи впечаткот пред домашна публика.

-Сигурен сум дека секој од нас ќе го даде најдоброто од себе за да ја оствариме целта и да победиме против Лихтенштајн. Мораме да бидеме трпеливи и концентрирани, а тогаш ќе дојдат до израз нашите квалитети. Во Скопје одигравме одлично, но тој резултат не смее да не залажува бидејќи Лихтенштајн сигурно ќе сака да го поправи впечатокот пред домашната публика. Свесни сме за важноста на натпреварот и треба е да одиграме тактички добро и организирано. Во добра позиција сме, но секако треба да бидеме внимателни, концентрирани и со дисциплина во играта за да ги искажеме нашите квалитети на теренот во Вадуц. Мотиви и желба не недостасуваат, напротив, пред оваа генерација е голема прилика да обезбеди место на Европско првенство. Сами решаваме за нашето место во групата и одиме да победиме, изјави Енис Барди.

Македонија во Вадуц в петок од 20:45 часот го игра дуелот со селекцијата на Лихтенштајн, додека последниот меч со Гибралтар ќе го одиграме на 19. ноември против селекцијата на Гибралтар на „Филип втори“ во Скопје. 




   
   
Актуелности

15.04.2019    Вести

Муамед Сејдини на официјален состанок со претседателот на УЕФА, Александар Чеферин

Александар Чеферин: УЕФА со сигурност ќе остане цврст партнер на Фудбалската федерација на Македонија....

Календар

07 Јун

20:45 Македонија - Полска
    А репрезентација квалификации за Европско

10 Јун

20:45 Македонија - Австрија
    А репрезентација квалификации за Европско
А репрезентација