Елиф Елмас: Полска е зад нас, веруваме во добра игра и позитивен резултат против Австрија

Објавено на 08 Јуни, 2019 во Вести, Вести


Квалификации за ЕП 2020., Група Г

10. јуни, 2019., 20:45 часот

Национална арена „Тодор Проески“, Скопје

#MKDAUT

Македонската репрезентација на 10. јуни (понеделник) во 20:45 часот против Австрија на Националната арена „Тодор Проески“ ќе се соочи во натпревар од квалификациите за ЕУРО 2020.

Како и на пресметката против Полска на која противникот од единствениот удар постигна одлучувачки погодок, нашата селекција и на овој натпревар ќе оди на добар резултат, фудбалерите на Игор Ангеловски ќе излезат со намера да покажат дека имаат доволно сила и капацитет за остварување на позитивен резултат.

Австрија прв пат гостува на Националната арена, досега немама меѓусебен дуел против австријците.

Нашиот репрезентативец Елиф Елмас верува во добра игра, а сето тоа да го потврдиме и со освојување бодови.

-Полска е веќе зад нас, покажавме одличен квалитет во играта и навистина штета што резултатот беше во нивна корист. Но, сега мораме да се фокусираме на Австрија. Апсолутно ги почитуваме австријците и претходно рековме дека овие два натпревари против Полска и Австрија ќе бидат најтешки за нас, но сега сме во ситуација да бараме бодови и ќе направиме се што  е во наша моќ тоа да го постигнеме. Мораме да бараме шанса за погодок, да бидеме храбри, но максимално внимателни. Се надевам дека во најмала рака ќе бидеме на нивото од претходниот натпревар, но овој пат тоа да се вреднува преку бодовите на табелата, вели Елиф Елмас.




   
   
Актуелности
Календар

03 Сеп

00:00 Австрија - Македонија
    Женска А репрезентација квалификации за Европско

05 Сеп

20:45 Израел - Македонија
    А репрезентација квалификации за Европско

09 Сеп

20:45 Летонија - Македонија
    А репрезентација квалификации за Европско

10 Сеп

16:00 Македонија - Фарски Острови
    У21 квалификации за Европско
А репрезентација