Благоја Милевски од Анталија: На тест натпреварите шанса добиваат и помладите, а тоа е важно за нашата репрезентација

Објавено на 26 Јануари, 2018 во Вести, До 21 год


Селекторот на репрезентацијата на Македонија до 21 година, Благоја Милевски деновиве во турска Анталија ги следи подготовките на македонските екипи и настапите на фудбалерите кои се во составот на Македонија до 21 година или како потенцијални репрезентативци конкурираат за место во националниот тим.

-Секогаш е корисно кога во живо се следат фудбалерите кои се наши репрезентативци или конкурираат за место во тимот. Веќе ги следев натпреварите на Шкупи, Работнички и Академија Пандев, а ќе бидам присутен и на контролните пресметки кои ќе ги играат Вардар, Шкендија и Силекс. На овој тип натпревари шанса најчесто добиваат сите фудбалери, а посебно помладите и тоа е важна причина за моето пристуство на подготовките. Исто така, битно е да забележиме колку можат тие фудбалери да бидат конкурентни против силни противници и на тој начин да се наметнат во своите екипи или репрезентацијата, вели Милевски.

Селекторот на Македонија до 21 година заедно со стручниот тим во репрезентацијата на почетокот на март ќе организира тренинг натпревар меѓу кандидатите за место во националниот тим.

-Тест натпреварот на 7. март ќе биде еден вид филтер во однос на нашиот состав спроти натпреварите од квалификациите за ЕП против Русија и Австрија, па и за преостанатите четири квалификациски дуели. Ќе добијат шанса фудбалерите кои не настапиле и се надевам дека ќе биде од корист за сите нас. Повторно ќе нагласам дека имаме талент и потенцијал, но треба да бидеме на повисоко ниво во однос на претходните натпревари и да ја вратиме самодовербата, изјави Милевски. 




   
   
Актуелности

13.10.2018    Вести

Вечно ќе се памети првата победа на Македонија во Крањ против Словенија

На 13. октомври 1993 година во Крањ, започна историјата на нашата фудбалска репрезентација. Стартуваше со блескав триумф...

Календар

16 Окт

14:30 Македонија - Гибралтар
    У21 квалификации за Европско
18:00 Ерменија - Македонија
    УЕФА Лига на Нации

20 Окт

11:00 Фарски Острови - Израел
    У17 квалификации за Европско
14:30 Шпанија - Македонија
    У17 квалификации за Европско

23 Окт

11:00 Шпанија - Фарски Острови
    У17 квалификации за Европско
14:30 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации
20:45 Македонија - Гибралтар
    УЕФА Лига на Нации
А репрезентација