Aleksandar Stikov u lind në vitin 1947 dhe tërë jetën e tij të punës e kaloi në Radion e Maqedonisë si gazetar, reporter dhe redaktor i programit sportiv. Me zërin e tij të njohur përjetësoi ngjarjet më të rëndësishme sportive në historinë e sportit ne vendin tonë e Jugosllavisë dhe me mbi 2000 transmetime është gazetari me minutat më të përfolura në programin radiofonik.

Stikov ishte kryetari i fundit i shoqatës së gazetarëve sportivë të Jugosllavisë dhe një nga themeluesit e Komitetit Olimpik të Maqedonisë. Ai është fitues i çmimeve dhe njohjeve të shumta, duke përfshirë trofeun prestigjioz të Sportit dhe Medias nga Komiteti Olimpik Ndërkombëtar në vitin 2004.

Si redaktor i programit sportiv të Radios së Maqedonisë, ai krijoi një numër të madh gazetarësh dhe reporterësh. Në vitin 1969, ai themeloi programin më të gjatë sportiv të specializuar Sport, Muzikë, Sport dhe raportoi nga shtatë Olimpiada dhe një numër madh kampionatesh evropiane dhe botërore.

Varrimi i të ndjerit do të bëhet të premten (22 shtator 2023) në ora 11:00 në varrezat e qytetit Butel në Shkup, ndërsa seanca komemorative të hënën (25 shtator 2023) në ora 11:00 në ambientet e Radiotelevizionit të Maqedonisë.