Presidenti i Federatës Botërore të Futbollit (FIFA), Gianni Infantino i ka dërguar një letër urimi Masar Omeragiçit për zgjedhjen e tij në postin e presidentit të Federatës së Futbollit të Maqedonisë.

Në letrën e urimit, njeriu i parë i FIFA-s thotë se është i bindur për potencialin e futbollit tonë dhe thekson mbështetjen e Federatës Botërore të Futbollit për “Shtëpinë e Futbollit” tonë. 

I nderuar President,

Ju lutem pranoni përshëndetjet e mia më të përzemërta dhe urimet më të sinqerta për zgjedhjen në krye të Federatës së Futbollit të Maqedonisë.

Njohuritë dhe lidershipi juaj, pasioni dhe përvoja juaj padyshim do të kenë një ndikim të rëndësishëm në zhvillimin e lojës sonë të mrekullueshme në Maqedoni. Të bindur për potencialin e futbollit në vend, mund të mbështeteni në përkrahjen time personale dhe ndihmën e FIFA-s.

Dyert e FIFA-s janë gjithmonë të hapura nëse doni të diskutoni për sportin tonë, zhvillimin e tij dhe promovimin e vlerave të tij.

Ju uroj juve dhe ekipit tuaj shumë fat dhe sukses në të gjitha sfidat përpara, në krijimin dhe dëshmimin e një trashëgimie të qëndrueshme për të ardhmen e futbollit në Maqedoni.

Mezi pres të ju shoh. I nderuar President, ju dërgoj urimet e mia më të mira për shëndet të mirë dhe suksese.

Me respekt,

Gianni Infantino

FIFA

Sekretari i përgjithshëm i FIFA-s, Matias Grafstrom, ka dërguar edhe një letër urimi për zgjedhjen e Masar Omeragiç për president të Federatës së Futbollit të Maqedonisë.

Në letrën e urimit drejtuar presidentit Omeragiç, operativi i parë i Federatës Botërore të Futbollit thekson gatishmërinë e FIFA-s për të realizuar vizionin e FFM-së nën drejtimin e menaxhmentit të ri.

I nderuar President, I nderuar Z. Omeragiç,

Me kënaqësi të madhe ju dërgoj urimet më të përzemërta për zgjedhjen tuaj si kryetar i Federatës së Futbollit të Maqedonisë.

Mezi pres të ndërtojmë një bashkëpunim të fortë me ju dhe ekipin tuaj dhe të punojmë së bashku për të promovuar dhe zhvilluar lojën e futbollit në Maqedoni dhe në Evropë. Së bashku me të gjithë ekipin e FIFA-s, ne jemi këtu për ju dhe mbetemi në dispozicion për t'ju ndihmuar të zbatoni vizionin tuaj dhe përmes programeve tona të ndryshme për të forcuar më tej lojën në të gjitha nivelet.

Dua të përgëzoj edhe anëtarët e Komitetit Ekzekutiv përkrah jush, përvoja dhe angazhimi i të cilëve do të luajë një rol thelbësor në mbështetjen e vendimeve tuaja dhe menaxhimit të ardhshëm të federatës suaj.

Ne gjithashtu presim t'ju takojmë në të ardhmen e afërt dhe t'ju mirëpresim në selinë tonë, jam i sigurt se kjo do të jetë një mundësi e shkëlqyer për të diskutuar më tej qëllimet tona të përbashkëta për zhvillimin e futbollit dhe se si mund t'ju ndihmojmë.

Urime edhe një herë për këtë arritje të rëndësishme. Ne ju dëshirojmë suksese dhe mbetemi të përkushtuar për të mbështetur përpjekjet tuaja në çdo hap të rrugës.

Matias Grafstrom

Sekretari i Përgjithshëm i FIFA-s