Përfaqësuesit zyrtarë të KF Shkëndijës dhe KF Vardarit kanë arritur marëveshje të përbashkët që grupet e tifozëve dhe simpatizuesit e dy klubeve mos marin pjesë në dy ndeshjet që pasojnë ndërmjet Shkëndijës dhe Vardarit në Tetovë dhe Shkup.

Vendimi për mërëveshjen e arritur KF Shkëndija dhe KF Vardari e prezantuan në mbledhjen teknike të organizuar në ‘Shtëpinë e futbollit’ në të cilën morën pjesë persona përgjegjës nga Ministria për Punë të Brendshme e R.M., përfaqësues nga Komisioni për siguri pranë Federatës së futbollit të Maqedonisë dhe personat zyrtar nga sektori garues i FFM-së.

KF Shkëndija dhe KF Vardari në bashkëpunim me Federatën e futbollit të Maqedonisë kategorikisht kanë cekur se do t’i kundërvihen gjuhës së urejtjes dhe nacionalizmit, të vandalizmit dhe jo tolerancës, për çka bashkarisht vlerësojnë se duhet të jenë sa më larg arenave sportive dhe për këtë do të ndërmeren të gjithë masat në drejtim të përmirësimit të ambientit futbollistik.

Federata e futbollit të Maqedonisë në aktivitet të përbashkët me dy klubet sërisht rikutjon se në futboll nuk ka vend për nacionalizëm, jo tolerancë dhe dhunë. Federata e futbollit të Maqedonisë ndërlidhet me platformën e UEFA-së dhe FIFA-s për respektimin e lojës dhe gjithë segmenteve të saj. Të respektohet loja, të respektohen rregullat, arbitrat, kundërshtarët, tifozët. Të respektohen dallimet.