Ukraina fitoi betejën në Lviv, Maqedonia meritoi së paku një pikë

Publikuar më 13 Октомври, 2014 në Lajme

Përfaqësuesja A e Maqedonisa pësoi disfatë 1:0 nga Ukraina në ndeshjen e xhiros së tretë të kualifikimeve për Euro 2016.

Në Lviv, Ukraina fitoi betejën futbollistike me golin e vetëm të Sidorçukut në kohën shtesë të pjesës së parë. Reprezentuesit e Maqedonisë ishin kundërshtar i barabartë, nuk shfrytëzuam disa mundësi të shkëlqyeshme për gol dhe pas tre xhirove në Grupin C, kemi bilans një fitore dhe dy humbje.

Adis Jahoviq, Abdurahimi, Ademi dhe Ivanovski në pjesën e parë, si dhe Trajkovski dhe sërisht Abdurahimi në pjesën e dytë kishin mundësi të shkëlqyeshme për të shënuar, mirëpo nuk gjetën rrejtën e Pjatovit. Sidorçuk në fund të pjesës së parë me golin e tij të dytë në paraqitjen e dytë për Ukrainën vendosi fituesin e këtij dueli, ndërsa vendasit mundeshin të dyfishojnë në 2:0 në fillim të pjesës së dytë, mirëpo Jarmolenko humbi një penalti.

Reprezentuesit e Maqedonisë luftuan në maksimumin e tyre për çdo top, mirëpo kjo nuk ishte e mjaftueshme për sukses. Në fund të ndeshjes porta e Ukrainës ishte në presion të madh, por megjithatë ndeshja përfundoi me fitore minimale të vendasve. Gjithsesi, mbetet përshtypja se Maqedonia në Lviv zhvilloi ndeshjen e saj më të mirë në këtë cikël kualifikues, ndërsa Ukraina mund të jetë e lumtur për fitoren e marë. Maqedonia meritoi së paku një pikë.

UKRAINË-MAQEDONI 1:0 (1:0)
‘Arena Lviv’. Shikues: 32.298. Golashënues: Sidorçuk 45’ (Ukraina). Kartona të vedhsë: Fedecki, Sidorçuk, Rotan (Ukraina), Jahoviq, Damçevski, Trajkovski, Abdurahimi, Velkovski (Maqedonia).
UKRAINA: Pjatov, Fedecki, Kyçer, Shevçuk, Haçeridi, Rotan, Sidorçuk (90’ Edmar), Stepanenko, Konopljanka, Jarmolenko, Zozulia (77’ Budkivski).
MAQEDONIA: Paçovski, Ristevski, Alioski, Shikov, Damçevski, Gligorov (86’ Stojkov), Ademi, Trajkovski, Ivanovski (70’ Kostovski), Abdurahimi, Jahoviq (62’ Velkovski).

“Një bravo e madhe për futbollistët. Dua të shpreh kënaqësinë time për mënyrën se si i’u kundërvumë Ukrainës. Kemi treguar se kemi kualitet dhe cilësi, duhet vetëm durim që në të ardhmen të dëshmojmë se kemi mundësi për suksese. Duhet gjithë Maqedonia dhe të gjithë ne të besojmë në këta djelmosha të cilët kanë nevojë për mbështetje. Nuk dua të komentoj referimin në këtë ndeshje, pasi ajo është punë e arbitrit, mirëpo mendoj se kishte penalti ndaj Abdurahimit në pjesën e dytë. Kishim start pak sa të rezervuar për shkak të atmosferës së përgjithshme në tribuna, ku tifozët ishin të mrekullueshëm, ndërsa ne më pas ngadalë hymë në ritmin tonë dhe krijuam shumë raste. Më vjen keq që nuk arritëm t’i realizojmë”, deklaroi seleksionuesi i Maqedonisë, Boshko Gjurovski.