Komiteti Ekzekutiv i UEFA-së, nesër nga ora 12:00 deri në orën 15:00 dhe të premten nga ora 09:00 deri në orën 12:00 do të zhvillojë mbledhje përmes video-konferencës në të cilat do të vendoset për shumë çështje të rëndësishme në lidhje me kalendarin e ndeshjeve të Kupava të Europës (Liga e Kampionëve dhe Europa League), Ligën e Kampionëve në konkurencë të femrave, pastaj vendet dhe terminet për zhvillimin e ndeshjeve të EURO 2020 e shtyrë për vitin 2021, play off-et e Ligës së Kombeve që sjellin kualifikim në EURO 2020, fazën e grupeve të të njejtës garë për edicionin e dytë 2020/2021, si dhe kalendarin dhe formatin për Kampionatin Europian për futbollistë deri 21 vjeç, kampionatet kontinentale për U19 dhe U17 dhe garat e futsallit nën organizim të UEFA-së.

Pas mbledhjes të trupit më të lartë të UEFA-së, Shtëpia Europiane e Futbollit do të organizojë video-konferenca me sekretarët e përgjithshëm të 55 anëtareve të UEFA-së.

Në vijim ju sjellim temat për të cilat do të bisedohet në mbledhjen në UEFA:

2019/2020 UEFA Champions League dhe Europa League – faza e eliminimit dhe finalet;

2020/2021 UEFA Champions League dhe Europa League – faza e eliminatoreve, play off dhe ndeshjet në grupe;

2019/2020 UEFA Champions League (femrat) – faza e eliminimit dhe finalet;

2020/2021 UEFA Champions League (femrat) - kalendari;

2019/2020 UEFA Youth League – kalendari për fazat e mbetura;

UEFA EURO 2020 qytetet dhe terminet e ndeshjeve;

UEFA EURO 2020 play off dhe 2020/2021 UEFA Liga e Kombëve faza e grupeve;

2019 - 21 UEFA Kampionatin Europian për U21 – kalendari dhe formati i ndeshjeve;

2019/20 UEFA Kampionatet Europiane për femra U17 dhe për meshkuj U19 – Kalendari dhe formati i ndeshjeve;

Garat e futsallit;