Përfaqësuesja e U 17 e Maqedonisë ka zhvilluar ndeshjen e parë kontrolluese kundër moshatarëve të tyre të Rumanisë. Në stadiumin në Bukuresht futbollistët e ri të Maqedonisë u mundën me rezultat 2:1.

Të përzgjedhurit e seleksionuesit Dobrinko Ilievski në përgjithësi luajtën ndeshje të mirë në të cilën lëshuan raste të mira shënimi. Enis Fazllagiq në pjesën e parë hapi rezultatin, ndërsa Bojan Kolevski dhe Emir Skenderi u gjetën në shanse shumë të mira, mirëpo nuk arritën të realizojnë.

Në pjesën e dytë vendasit arritën të mbëjnë përmbysje të plotë të rezultatit. Në fund rezultati final ishte 2:1 për Rumaninë, ndërsa Maqedonia mund të ndjej keqardhje për numrin e madh të rasteve të humbura gjatë gjithë ndeshjes.