Trajnerët nga Maqedonia me UEFA PRO Liçensë në trajnim në Nyon të Zvicrës

Publikuar më 01 Ноември, 2019 në Lajme, Seminare

Në periudhën prej 28 deri më 31 tetor të vitit 2019, grupi i parë i gjeneratës së pestë të trajnerëve nga vendi ynë, kandidatë për pajisje me UEFA PRO Liçensë qëndruan në trajnime të specializuara në selinë e UEFA-s, në Nyon të Zvicrës, në kuadër të programit për shkëmbim të diturive dhe marrjes së përvojës së re. Trajnerët nga Maqedonia ishin pjesë e grupit të takimeve të punës bashkë me trajnerët nga Çekia, Mali i Zi dhe Shqipëria.

UEFA përmes instruktorëve të saj, Hauard Vilkinson (Angli), Jim Fliting (Skoci), Piter Rudebek (Danimarkë), Paki Boner (Irlandë), Kris van der Hegen (Belgjikë), Varner Mikler (Gjermani), si dhe mysafirët e nderit-ligjërues Stanisllav Çerçesov (seleksionues i Rusisë), Bernhard Husler (president i KF Bazelit-Zvicër), si dhe Josh Herman (ekspert për shfrytëzim të rrjeteve sociale), kandidatëve u ofruan informata profesionale që janë të nevojshme për formimin e profilit trajner bartës i UEFA PRO diplomës, në bazë të të cilave kishte diskutime dhe konkluza nga të gjithë kandidatët e pranishëm në seminar.

“Mund të them se grupi ynë i trajnerëve kandidatë për pajisje me UEFA PRO Diplomë që morën pjesë në këtë seminar në Nyon me shumë sukses prezantuan zejen e trajnerit të vendit tonë, duke treguar nivel të lartë njohurive teorike dhe praktike. Prezantimet e bëra dhe informacionet ishin shumë të rëndësishme dhe aplikuese. Shpresoj që trajnerët do të mund të shfrytëzojnë këto gjëra në punën e tyre të mëtejshme“, shprehet Nebojsha Markovski, drejtor i Qendrës për Edukim pranë FFM-së.

Në seminarin për trajnerë në Nyon nga Maqedonia morën pjesë: Ardian Nuhiu, Aleksandar Tanevski, Skender Jonuzi, Aleksandar Stojanov, Toni Meglenski, Milan Ilievski, Darko Krstevski, Dejan Arsov, Marjan Jovanovski, Vase Beqarov, Dimitrar Maxhunarov dhe Rade Cicmiloviq.