Përfaqësuesja A e Maqedonisë më 11 qershor kundër Spanjës në Shkup do të zhvillojë takimin e rradhës të kualifikimeve për Kampionatin Botëror “Rusi 2018”. Pesë ditë më parë, më 5 qershor ekipi përfaqësues do të luajë takim kontrollues me Turqinë, gjithashtu në teren vendas.

Seleksionuesi i Maqedonisë, Igor Angellovski ka publikuar listën e futbollistëve në të cilët do të llogarisë në ndeshjen e xhiros së gjashtë të kualifikimeve dhe kontrolluesen me Turqinë. Në formacionin e përfaqësueses A të Maqedonisë për duelin me Spanjën janë ftuar 22 futbollistë. Për herë të parë në ekipin senior do të jenë Elif Elmas, Jani Atanasov dhe Amel Rustemoski.

Lista e futbollistëve për ndeshjen kundër Spanjës:

Portierë: Stole Dimitreivski, Filip Gaçevski dhe David Mitov Nilson;

Mbrojtës: Stefan Ristovski, Daniel Mojsov, Vançe Shikov, Kire Ristevski, Kristijan Toshevski;

Mesfushorë: Stefan Spirkovski, Ostoja Stjepanoviq, Dushko Trajçevski, Ferhan Hasani, Ezgjan Alioski, Elif Elmas, Darko Çurlinov, Jani Atanasov;

Sulmues: Goran Pandev, Ilija Nestorovski, Ivan Triçkovski, Aleksandar Trajkovski, Besart Ibraimi, Amel Rustemoski;