Ish-futbollisti i famshëm dhe reprezentues i Maqedonisë, Sasha Qiriq ka komentuar hapur për ndodhitë e fundit në lidhje me pozitën dhe angazhimin e tij profesional në Federatën e futbollit të Maqedonisë.

“Unë e kam të qartë se nevoja për senzacion shet gjithçka, duam ta pranojmë apo jo. Jetojmë në rreth të tillë, mirëpo fillimisht të qartësojmë ca gjëra. E para, në Federatën e futbollit të Maqedonisë kam ardhur shkaku i futbollit dhe jo për pozitë dhe e dyta, nuk kam kurfarë problemi apo papajtueshmëri me drejtuesit e federatës. Gjithçka që bëjmë, e realizojmë bashkë dhe në interes të futbollit. Nga kjo pikëpamje, bashkarisht kemi sjellë vendimin e fundit për kyçjen time më intenzive në punën e Akademisë së FFM-së, projekt shumë i rëndësishëm për futbollin e Maqedonisë, i cili viteve të fundit ka dëshmuar gjithë vlerën, si shkollë nga e cila ne krijojmë jo vetëm futbollistë të ri kualitativ, por edhe personalitete me vlera të vërteta sportive”, thotë Sasha Qiriq.
“Pa dashur të futem në nevojën e disa njerëzve të caktuar të cilët ‘përnjëherë’ u mërzitën për statusin tim, dua të qartësoj se edhe në të ardhmen mbetem në shërbim të futbollit dhe 100% do të jem i përkushtuar në punën time në kuadër të federatës. Ashtu si deri tani, nëse do të jetë e nevojshme unë edhe më tej do të mundohem të jem në ndihmë edhe të përfaqësueses A dhe gjithë përfaqësueseve të moshave aq sa do të jetë e nevojshme. Si futbollist me karrierë të pasur ndërkombëtare do të tentoj të njejtën ta bart edhe të futbollistët e rinjë dhe gjithë ato që janë të kyçur në punën me Akademinë dhe ekipet përfaqësuese”, përfundoi Sasha Qiriq.