Rabotniçki mbrojti titullin në Kupën e Maqedonisë

Publikuar më 20 Мај, 2015 në Lajme

Rabotniçki fitoi titullin e katërt të Kupës së Maqedonisë. Bazhe Ilijoski dhe Martin Altiparmakovski ishin autor të golave në fitoren 2:1 kundër Teteksit.

Futbollistët e Rabotniçkit në finalen e 23-të të Kupës së Maqedonisë me përmbysje në pjesën e dytë fituan Teteksin në ndeshjen e zhvilluar në stadiumin ‘Filipi i Dytë’ në Shkup. Skuadra tetovare pas pjesës së parë kishte epërsi 1:0 pasi Svetan Çurlinov realizoi në minutën e 45-të. Kapiteni Bobi Bozhinovski ishte asistent në golin e avantazhit të Teteksit. Futbollistët e Rabotniçkit në pjesën e parë kishin vetëm dy gjysmëraste përmes Ilijoskit dhe Altiparmakovskit.

Mirëpo Rabotniçki konsolidoi rradhët në pjesën e dytë, fillimisht Anene nuk realizoi mundësi të shkëlqyeshme për të barazuar në minutën e 65-të, që pas pesë minutave Bazhe Ilijoski me mjeshtëri të realizojë për 1:1. Në minutën e 71 Najdoski i Teteksit doli me karton të kuq pas një starti të ashpër, ndërsa kundërshtari ndëshkoi me gol tjetër dhe epërsi 2:1. Marjan Altiparmakovski ishte autor i golit pas asistit të Anenes. Në 20-të minutat e fundit të ndeshjes Rabotniçki në mënyrë rutinore ruajti epërsinë, duke mos lejuar Teteksin të rrezikojë portën e Efremovit.

“Luajtëm ndeshje interesante dhe vlerësoj se fituam me meritë. Teteksi nga shansi i vetem shënoi gol, mirëpo ishim mjaft energjik në pjesën e dytë, ndryshuam qasjen dhe arritëm të shënojmë dy gola për fitore. Urime për futbollistët e mij, posaçërisht për të riun Sahiti i cili na dha freski shtesë në qëllimin për të bërë përmbysje. Mbrojtja e titullit nuk është punë e vogël dhe duhet të jemi krenar për këtë sukses”, deklaroi trajneri i Rabotniçkit, Igor Angellovski.

“Urime Rabotniçkit për titullin e fituar. Kartoni i kuq i Najdovskit ndikoi shumë në lojën tonë. Thjesht me dhjetë futbollistë vështirë është të luftosh me një skuadër si Rabotniçki. Humbëm, mirëpo shkojmë më tej. Shpresoj në kohëra më të mira për Teteksin dhe kthim në Ligën e Parë”, u shpreh pas ndeshjes trajneri i Teteksit, Gorazd Mihajllov.

Aktuale