Shtabi kryesor koordinativ për kriza për sigurimin e koordinimit të plotë në lidhje me parandalimin e futjes dhe përhapjes së koronavirusit COVID-19 në mbledhjen e mbajtur më 30 qershor rishikoi dhe miratoi Protokollin e plotësuar të FFM-së për zbatimin e masave për mbrojtje nga COVID-19 gjatë zhvillimit të seancave stërvitore të klubeve dhe zhvillimit të ndeshjeve.

“Shtëpia e futbollit”, të njejtin e ndau me klubet vendore dhe të gjithë janë të detyruar të zbatojnë pa kushte udhëzimet, rekomandimet dhe masat e shkruara në Protokoll në drejtim të mbrojtjes së shëndetit të të gjithë palëve të kyçura në lojën e futbollit.