Përfaqësuesja e futbollit të Maqedonisë do të zhvillojë ndeshje kontrolluese me Azerbejxhanin më 29 maj në Austri. Ndeshja kundër përfaqësueses që drejtohet nga trajneri kroat Robert Prosineçki do të jetë e gjashta ndërmjet dy vendeve. Në ndeshjen e parë në vitin 2000, Maqedonia fitoi 2:1, në kualifikimet për Botërorin e vitit 2002 në teren vendas fituam 2:0 me golat e Gjorgji Hristovit dhe Argjent Beqirit, ndërsa barazuam 1:1 në teren mysafir në të njëjtat kualifikime. Në vitin 2010 Maqedonia fitoi 3:1, ndërsa ndeshjen e fundit kontrolluese pesë vite më parë në Baku Maqedonia fitoi 1:0 me golin e Goran  Pandevit.

Përfaqësuesja e Maqedonisë për ndeshjet me Azerbejxhanin dhe Iranin më 2 qershor do të përgatitet në Vosendorf, në afërsi të Vienës.