Seleksionuesi i përfaqësues A të Maqedonisë, Bllagoja Milevski dhe reprezentuesi Elif Elmas në konferencën zyrtare për media para ndeshjes së nesërme kundër Gjibraltarit kanë ndarë pritshmëritë e tyre për ndeshjen e xhiros së dytë të grupit në Ligën e Kombeve.

Bllagoja Milevski – seleksionues i përfaqësueses së Maqedonisë:

- Jemi të fokusuar te ndeshja. Nuk duhet të llogarisim, por të zgjedhim më të mirën dhe ti kërkojmë tre pikët. Kemi një sërë lojtarësh me probleme, por pavarësisht kësaj, gjithmonë do të dalin ata që janë më të përgatitur për momentin. Qasja jonë do të jetë serioze dhe nuk ka vend për llogaritje dhe eksperimente.

Nuk ka vend për nënvlerësim në futbollin e sotëm. Vetë fakti që Gjibraltari është në Ligën C vërtetoi se ata po përparojnë. Nuk ka as 1% vend për t'u çlodhur. Djemtë janë të vetëdijshëm se vetëm me maksimumin mund të arrihet rezultati i dëshiruar. Çdo ndeshje është e veçantë, duhet të përgatitesh veçmas. Nuk ka dy ndeshje të njëjta dhe me këtë nuk ka përgatitje të njëjta.

Ne i trajtojmë të gjithë në grupin tonë me respekt, lojtarët janë të vetëdijshëm se duhet të japin maksimumin. Kjo Maqedoni, pavarësisht se me cilin rival luan, është e detyruar të luajë maksimalisht në nivel.

Elif Elmas – reprezentues i Maqedonisë:

- Ka kaluar shumë kohë që kur kam luajtur në Gjibraltar, e patëm të vështirë të arrijmë deri te fitorja. Vendasit luajtën lojë të mbyllur dhe na shkaktuan probleme. Në çdo ndeshje duhet të luajmë në maksimum, kemi ardhur për të luajtur më të mirën që dimë dhe për të fituar tre pikë.

Nuk e kishim realizimin në Bullgari, kemi humbur shumë raste. Tani kemi tre ndeshje në të cilat realizimi duhet të jetë perfekt. Do të jetë më e vështirë të luajmë në terren artificial, por gjithsesi duhet të fitojmë.