Në prag të ndeshjes së nesërme kundër Letonisë nga xhiroja e 5-të në grupin e Ligës së Kombeve, seleksionuesi i përfaqësueses së Maqedonisë, Bllagoja Milevski dhe portieri Stole Dimitrievski folën para gazetarëve në një konferencë për media.

Bllagoja Milevski – seleksionues i përfaqësueses A të Maqedonisë:

“Respekt maksimal për Letoninë. Rezultati i ndeshjes së parë nuk duhet të na mashtrojë aspak, duhet të japim maksimumin, me përgjegjësi drejt një rezultati të ri të mirë. E kam theksuar shumë herë se këta djem, çfarëdo që të ndodhë me ta në klube, lëndime, forma konkurruese që është e keqe, kur vijnë për në kombëtare japin 100%. Karakteri i tyre si lojtarë, por edhe si individë, është perfekt dhe kjo i ndihmon të jenë në nivelin më të lartë kur vijnë në grumbullim për Maqedoninë. Ajo që ndodh me ta në klube nuk është në fuqinë tonë, por pas asaj që tregojnë në ekipin përfaqësues, kam vetëm fjalë të mira”.

“Secili ka planin dhe përgatitjen e tij. Jemi gati për gjithçka që na pret rreth kundërshtarit të nesërm. Na takon neve të luajmë. Më bën të lumtur që i vendosim gjërat vetë.

Duhet të theksoj kënaqësinë e asaj që e pashë si informacion në fushë për sa u përket lojtarëve të rinj në skuadër. Ata kanë potencialin për të qenë pjesë e këtij ekipi”.

Stole Dimitrievski – portier 

“Dua të ruaj portën e pastër edhe pas kësaj ndeshje. Kur theksoj në një konferencë për shtyp se dua një rrjetë të pastër, kjo më sjell lumturi dhe fat dhe sigurisht që ky është synimi im edhe për ndeshjen e nesërme”.