Përfaqësuesja U21 e Maqedonisë sot në Larnaka, vazhdon përgatitjet për duelin e radhës kontrollues ndaj Serbisë, pas ndeshjes së djeshme me nikoqirin Qipron.

Në një ndeshje interesante me shumë emocione dhe raste të humbura, Maqedonia dhe Qipro barazuan me shifra 1:1.

Autor i golit të vetëm për Maqedoninë ishte Mario Ilievski në minutën e 66-të të takimit. 

Marko Alçevski, një nga individët më të mirë në ndeshjen e djeshme kundër Qipros, i cili pati disa ndërhyrje të jashtëzakonshme, ka dhënë analizën e tij për lojën e djeshme të Maqedonisë.

- Kemi bërë një ndeshje vërtet të mirë ndaj një përfaqësuese cilësore dhe të vështirë si Qipro. Na vjen keq që nuk arritëm të fitojmë. 

- Kishte shumë gjëra pozitive në lojën tonë, por edhe segmente dhe pjesë të lojës ku duhet të përmirësohemi. Jemi në rrugën e duhur, duam të jemi më të mirë në çdo ndeshje të radhës.

- Nuk do të jetë e lehtë ndaj Serbisë, kemi një kundërshtar të madh, por duam të fitojmë.

– Kemi një ekip cilësor, ka energji të madhe tek ne futbollistët, kemi një objektiv dhe vizion të qartë. Ne duhet t'i qasemi çdo ndeshjeje me vendosmëri dhe dëshirë të madhe për të fituar.

Më 22 nëntor, të përzgjedhurit e seleksionuesit Dragi Kanatllarovski do të zhvillojnë ndeshjen kontrolluese ndaj Serbisë.