Përfaqësuesja U21 e Maqedonisë do të luajë dy ndeshje kontrolluese në Qipro këtë muaj kundër përfaqësueses së Qipros dhe kundër Serbisë.

Reprezentuesit e rinj të përfaqësueses janë grumbulluar ditën e djeshme dhe kanë pasur stërvitjen e parë, ndërsa sot pasdite kanë udhëtuar drejt Qipros.

Mario Ilievski, njëri nga bartësit e lojës, ka ndarë pritshmëritë e tij për takimet e ardhshme kontrolluese kundër Qipros dhe Serbisë.

– Na presin dy ndeshje të vështira, nuk do të jetë e lehtë ndaj Serbisë dhe Qipros, shpresoj që në të dyja ndeshjet të luajmë në nivel të lartë. Duhet të luajmë me guxim dhe të sakrifikojmë në fushë, të tregojmë cilësi dhe rezultati do të vijë vetë.

- Kjo përfaqësuese ka një shpirt të shkëlqyer ekipor, ne njihemi mirë, të gjithë kemi një qëllim, që të luajmë sa më mirë dhe ta përfaqësojmë Maqedoninë në nivel.

– Kemi kualitet dhe duam të konfirmojmë se në këto dy ndeshje, nëse luajmë siç dimë dhe mundemi, besoj se do të jemi të lumtur me një rezultat pozitiv.

- Atmosfera në përfaqësuese është e shkëlqyer, kemi arritur disa rezultate të shkëlqyera në ndeshjet e mëparshme. Nga ndeshja në ndeshje po luajmë më mirë, por ka ende vend për përmirësim.

- Dy miqësoret kundër Serbisë dhe Qipros janë një test i shkëlqyer për kualifikueset për Kampionatin Evropian të vitit të ardhshëm.

Më 17 nëntor skuadra e seleksionuesit Dragi Kanatllarovski do të përballet me Qipron, ndërsa pesë ditë më vonë do të luajmë kundër Serbisë.